生日曆險記

星期一是小弟生日,於是一家人到了番禺住左一晚。一來用左間免費酒店;二來當同我慶祝生日 :blink:

我地一行三人下午搭直通巴士由太子出發,差不多三個小時終於到達祈福新村,然後又搭10B巴士去到長隆地鐵站,跟住又搭接駁巴士 :sleeping: 。終於響晚上七點幾到達酒店門口。

酒店好大好靚,有好大公園同好大室外泳池(不過依家係冬天 :cwy: )

一放低行李,就黎餓死既我地立即叫的士,去好出名的四海一家食自助餐。

聽人講個道好多野食又唔貴,結果一去到當然沒有令我失望。

有任食既炭燒生蠔

有幾十種不同的燉湯比你飲

你鍾意食魚翅撈飯又得

如果你帶小朋友去,又有食到佢駐哂D牙的糖果

最主要係啤酒、紅酒免費任飲….. :blush:

我地閒日去每位人仔148,如果你係生日月份會有八折,如果係正日生日去仲免費 :w00t: ,仲有一個幾好食既蛋糕送比你

個蛋糕我一啖都冇食過就比屋企人食哂,你就知有幾好食<—或者係我地有幾肚餓

因為四海一家冇比廣告費我,所以依家就講佢既缺點。

有我見到就冇胃口既水曱甴

超超超難飲既能量果汁 :devil:

個甜品區真係冇野食得落口,水果區連士多啤梨都冇粒 :angry:

總括而言, 食物種類好多,不過唔係好精,食完都無特別深的印象。
不過依呢個價錢既自助餐都是甘樣啦,如果有朋友生日去試一次就值得的。

最後為大家送上長隆酒店既公園相and我食過最好的大陸酒店自助早餐


好似去左動植物公園道瞓咁



小籠包、煎蛋唔洗排隊取,又有得據扒、仲有白老虎伴住你食既早餐都算係咁 :biggrin:

發表迴響