在橫湧石澗打邊爐 ^^

終於出發啦,講左話行澗咁耐。終於響星期日"的"地心肝,同友人完成今年第一次亦係最後一次的行澗之旅。

今次我地的目的地係“橫湧石澗”,難度算係一般。最重要係路程比較短,可以比我地"訓"耐D :Zzzzzz: ,夜D先出發。

去到街市買番D肥牛打邊爐先

因為要買"呢"買"路",結果10點集合,買野買到12點先搭巴士

沿途友人彪不斷為朋友們講解

終於到了行程的戲肉….打邊爐

行澗當然唔少得既"出浴"照

當然唔只咁少

仲有重點戲"友人與水泡大戰" <----- 唔知如果佢知道我放左佢上網唔會唔高興呢,不過無辦法段片太爆笑,我每一次睇都笑到碌地。所以一定要同大家分享。

玩到大約四點幾,帶住依依不捨的心情出澗。不過冇辦法,再唔走出到去就會天黑

最後同「橫湧石澗」講聲再見吧!

最後為大家送上三幅"是日精選",有興趣的朋友可以用來做 Wallpaper

後記:感激友人參與
整個旅程可以如此開心,首先要多謝阿彪。仲記得我星期中的一句說話,「今個星期去行澗囉」。阿彪便開始選擇路線、提供爐具等等。如果冇你的熱情參與。我地就冇玩得咁開心、咁瀟灑。另外也要多謝阿華,明知你唔鍾意游水,如果硬拉你來。不過如果唔係咁,我想Celine一早差錯腳落左水。

行澗真係夏天唔錯的活動,行到熱騰騰的身體。只要一浸落涼浸浸的溪水,立即暑氣全消。不過因為始終比行山危險,所以每一次旅程都帶住一份緊張的心情。希望下年隨著我的體重下降後,下次行澗會更開心更好玩。

發表迴響