法國醫院遊記(大結局)

閒話休提,立即先講講今次法國之旅的行程先 :Who-s-the-man:

23/7
01:00pm. 到醫院 check-in <—–唔知可唔可以咁叫
03:00pm. 做磁力共振,睇下條大陣有冇事
09:00pm. 醫生巡房時話我乜事都冇

~~~~~~~~~漫漫長夜~~~~~~~~~~~

24/7
11:00a.m.做物理治療
12:00p.m.出院~~~~

一入到醫院,首先去到住院登記處。個職員一輪嘴講哂佢要講o既野之後 :Worry: ,就會叫你比錢先。然後就會叫個阿姐送你上房。上到房之後就會將你交比護士。

黑左一個禮拜,終於開始轉運啦!今次Service我既護士好靚女 :In-Love: ,把聲好甜仲識同我講笑。你話我吹水?唔信你下次入廠o個時,可以睇下有冇機會見到個叫X盈盈的姑娘,見到你就知我有冇講大話既啦。

當我響病房坐左一陣,正係道研究緊張床點玩既時候。阿姐又突然出現,捉我落去做磁力共振,響唔知轉左幾多個彎同搭左幾多次電梯之後,去到一個辦事處。跟住由一個著住藍色袍的靚女<—今次真係估估下,接阿姐力。佢好快就帶我到左磁力共振房。<—點解咁快到

入到去佢一開口就叫我除哂D衫,之後就拿住支野係咁掃我。冇錯係佢掃我唔係我掃佢。之後就打橫訓入去部機入面,入去之前佢叫我唔好亂「移」動,如果唔係會照唔清楚。咁我入到去o個個好似棺材既野之後,當然好聽話啦。連抖氣都唔敢咁大力。就係咁眼光光咁望住個白雪雪的棺材蓋……… :Zzzzzz: 我估太約訓左三四個字之後,跟住我就比人拍醒左。佢第一句就同我講,「你唔係真係訓著左嘛」。睇黎我都幾鍾意訓棺材,睇黎第二時可以考慮做隻吸血彊屍。之後就係D例牌野,上房同D房友吹下水、等唸下一陣食乜飯之類。等我開始習慣醫院生活之後,D時間就過得特別快,眨下眼做完物理治療、同醫生吹完水。咁就話要出院啦。最遺憾就係要同盈盈姑娘講byebye <—- 其實我只係入院既時候見過佢一次

總括黎講,第二時大家有機會去法國既時候一定要記住帶:

  • 帶多幾套衫,因為法國都幾涷
  • 記得帶拖鞋
  • 電話火牛、netbook、書、nds/psp唔少得
  • 沖涼要用的野、鬚刨、定型水一定要帶

基本上同去渡假冇乜分別,分別最大既就係要自己帶野黎。eg:沖涼。最重要的心得係你出去前一定要留電話比姑娘,同清楚自己幾時要做乜野、食唔食得野、同醫生幾時返等等。然後你就可以自出自入。例如約D friend去九龍城食飯,約女朋友去獅子石道買衫。行到攰既時候又可以上返醫院嘆下冷氣同吹下水,都咪話唔爽。最後為大家送上幾張相作為今次法國之旅的結局。

呢個係我既「架部」

今次我住四人房,所以每兩個人可以分到一部電視機。

呢個制我諗入個廠既人一定識,就係「升頭」定「升腳」啦

反而呢個制,我就到第二日先識襟,係成張床升或者降。超好用!平時你可以升高佢當書枱一流

老實講醫院D野味道真係好一般,如果要食的話,我強烈建議你去飯堂食,因為有機會見到D靚靚姑娘。

入廠時醫院送的禮物包,有毛巾、變形牙刷、牙膏、沖涼液、漱口杯、梳、紙巾同牙籤。

都唔知點解比咁多牙籤?佢想你食多D野?老實講要食我都落九龍城食啦 。

仲有變型牙刷的特寫,佢比普通酒店的質素同設計都好。仲送大大支高路潔比你慢慢刷。個然係一分錢一分貨。

最後為大家送上我尾龍骨既超聲波圖

發表迴響