法國醫院遊記(入廠維修記)(序)

小弟入院的要用的文件

前幾日撞車的事諗住已經好黑仔 :Crazy2: ,點之原來黑開有條路。

自從撞車o個日之後,隨住時間流逝,我就發覺我有越來越多傷痕。除左隻手擦傷之外,至大鑊就係撞傷條大「陣」<-尾龍骨,原來諗住小小痛抖番兩日應該冇事,點之事實係越來越痛。依家十足成個大肚婆咁,成條腰硬哂軚。最後睇完醫生仲要第二日入廠做磁力共振。今次真係大檸樂。

註:因為小弟自懂性後第一次入醫院,都係冇乜經驗,到時我撞左D乜野板又或者見到D乜野新奇野再同大家報告。

發表迴響